(انا خلاص حياتي كلها سودة و يأست من كل شىء في حياتي ، انا بقيت عبء على إللى حواليا بشكل كبير انا خلاص قررت اني هنتحر عشان ارتاح بقى??)
مشكلة الانتحار بقت منتشرة أوي الأيام دي أخبار شباب أو بنات انتحروا رغم صغر سنهم ?واخبارهم تنتشر على صفحات التواصل الإجتماعي
طب لية ياترى الشباب دول بينتحروا اية الي بيخليهم يوصلوا لمرحلة الانتحار دي !!?
قبل ما نعرف لية هما بيعملو كدة تعالو نفهم يعني اية انتحار؟؟?
الانتحار /هو إنهاء الشخص لحياته عن قصد ?
طب ازاى اعرف ان شخص بيفكر في الإنتحار؟ ?
-أبسط حاجة لما يقول انه عايز يموت نفسه مفيش هزار لازم ناخد كلامه على محمل الجد خصوصا كمان لما يكون له محاولات سابقة
لما تلاقيه منعزل ومتجنب الناس ودايما حاسس انه عبء على إللى حواليه
مفيش حماس او شغف فقد المتعة واللذة في حياته ?
حاسس بغربة ، بقى ينام كتير ?
جسمه تعبان همدان طول الوقت?
هل الانتحار له أسباب؟?
الإجابة اه و لا !!
بمعنى الانتحار ساعات بيكون له أسباب زي انه يكون بيعاني من اكتئاب أو إدمان أو مشاكل مالية أو أسرية او ضياع شغله وممكن حتى المشاكل العاطفية توصله للانتحار ??
وساعات الانتحار بيكون من غير سبب ?
طيب اقدر اساعد ازاى حد بيفكر في الإنتحار؟!?
-اول حاجة انك تسمعه وتظهر الإهتمام لكل كلمة بيقولها مهما كان من تكراره لكلامه اسمعه كأنه بيتكلم لأول مرة ?
-بلاش نصايح ?? اسمع على قد ما تقدر خصوصا النصايح الدينية من باب انت إيمانك ضعيف روح صلي اقرأ قرآن لان الرسالة بتوصل له انه مقصر وبيزيد إحساسه بالذنب اكتر
-اوعى تقلل من معاناته بكلام من نوعية كل الناس عندها مشاكل في حياتها انت مشكلتك تافهه انت مدلع اي كلام يقلل او يهون من وجعه بلاش منه ?
-أفضل حاجة نسأله ايه اكتر حاجة خلته عايش رغم تفكيره في الموت زي مثلا الاسرة او انه عنده طفل او حيوان بيهتم بيه نعزز وجود الحاجات دي في حياته
-أفضل حاجة نسأل انا حابب اساعد محتاج منك تقولي اقدر اساعدك ازاي ?
احتمال فيه مشكلة واحتمال لاء لو فيه مشكلة ولها حل نحاول نساعده في حلها?
-اشوف حد مصدر أمان يكون متاح وهو او هي تحب تكلم معاه لما أفكار الانتحار تزيد عليها ويكون ملازم لها عشان متبقاش وحيدة لما الأفكار تهجم عليها
**ومهم كمان نبقى قادرين نساعد نفسنا عشان نقدر نساعد غيرنا لما اكون تعبان ونفسيتي في النازل اروح لأقرب طبيب نفسي وابعد عن أي مشاعر سلبية حواليا عشان هي معديه قبل ما تحاول تنقذ غريق اتاكد الاول انك قادر تعوم?
طب لو انا بفكر في الإنتحار أساعد نفسي ازاى؟؟?
-لما تحس انك تعبان ومضغوط ماتكبرش في اقرب فرصة روح لطبيب نفسي ♥️
-قرب اكتر من الناس إللى بيحبوك وخليك معاهم عشان تلاقي دعم وسند ليك ?
-حاول تنوع مصادر سعادتك متخليش سعادتك وحياتك مبنية على مصدر واحد ☺
-اعمل قائمة بكل الأنشطة إللى بتحبها ومارسها في يومك زي الرياضة مشاهدة الأفلام الممتعة وغيرها ?
لو الطبيب نصحك انك محتاج تدخل مستشفى لفترة مؤقته لحد ما تهدى اسمع كلامه?
ألتزم بالعلاج الموصوف لك من الطبيب النفسي المعالج ?
استمر على جلسات الدعم النفسي الفردية بمعدل جلسة واحدة أسبوعيا على الأقل مع الطبيب المعالج?♥️