(انا خايفة?? حاسة اني بموت وبحتضر في الاسبوع اكتر من مرة.. فجأة بيجي ليا احساس ان ضربات قلبي سريعة ، و مش قادرة أتنفس روحت لدكاترة قلب وباطنة ومحدش عارف انا مرضي ايه? بقيت اخاف اروح اي مكان لوحدي? لازم حد يكون معايا عشان يلحقني لما أموت? )
ممكن يجيلنا اعراض زي دي او اي حد عزيز علينا تحصله الأعراض دي ، و دة مش بيكون مؤشر للموت او انه تعبان تعب عضوي ?
دة معناه انه بيعاني من اضطراب نفسي واسمه ( اضطراب الهلع)
عايزة تعرفي اكتر إيه مرضك؟؟
تعالي اقولك.. زي مااتفقنا دي اعراض نوبات هلع ودي من أشهر أمراض القلق ?
ودي عبارة..عن نوبات متكررة وغير متوقعة من الخوف الشديد والقلق
-مصحوبة ..
بعرق الشديد? ، وسرعة فى ضربات القلب? وصعوبة بالتنفس، ?ودوخة وتنميل بالاطراف والشعور بنوبة قلبية لدرجة ان صاحبها بيحس انه بيفقد السيطرة على نفسه بيحس انه هيتجنن من كتر الأعراض دي .?
ممكن كمان توصلي لمرحلة من العزلة الاجتماعية?
مش عايزة تخرجي إلا وحد معاكي عشان لما تيجي النوبة حد يكون معاكي ينقذك ويروح بيكي المستشفى .?
*كتير من إللى عندهم نوبات هلع بيكون عندهم أمراض قلق تانية قبلها.. زي الرهاب الاجتماعي ،والفوبيا وخصوصا الفوبيا من الأماكن المزدحمة او الواسعة
وكتير منهم بيدخل في نوبات اكتئاب ? نتيجة لنوبات الهلع والخوف المستمر من حدوثها?
اكيد عندك سؤال!! .. هل فيه أمل في العلاج؟؟?
اه فيه امل كبير جدا?
وكتير من الحالات إللى بتابع معانا بتخف في الحال? المهم انك تتوجه فورا لطبيب نفسي يفهمك ويساعدك والدكتور هيفهمك الخطة علاجية اللي تحسن الأعراض دي في الحال وترجع أحسن زي الأول ??