أنا لية طول الوقت بغسل ايدي كتير ، وانا لية بفضل اعمل حركات تكرارية مش فاهم معناها ، وانا بيجيلي افكار جنسية ملحة وغريبة ، وأنا عندي دايما خوف وتوتر من اني اللمس اي حاجة ملوثة ، كل الحاجات الي بتحصل دي واكتر منها كمان بيحصل معانا إحساس بالذنب كبير جدا ?
و كل دة بيعبر عن اني بعاني من اضطراب الوسواس القهري
وهنفهم اكتر اية هو الإضطراب دة..?
اضطراب السواس القهري هو
الوسواس القهري/?
هو عبارة أفكار وأفعال تكرارية وملحة بالنسبة للشخص ، بيحس انه دايما مقيد بسبب الافكار و الأفعال دي ، علي الرغم انه بيبقي عارف انها سخيفة وغير منطقية ومش مصدقها بس بردو بيسمع كلامها وبيعملها علي اعتبار ان دة هيحسسه بالراحة?
كمان الوسواس القهري له أنواع زي..?
وسواس النظافة ?/ و دة من اشهر الوساوس الي دايما بنلاحظ الشخص الي بيعاني منه انه طول الوقت بيحافظ علي النظافة سواء نظافتة الشخصية او نظافة الي حوليه
وساوس دينية? / زي مثلا انه يبقي عنده شك في وجود ربنا او يصور ربنا في اشكال غير مناسبة ، او دايما بيقعد يشتم ربنا ويحس بالذنب بسبب كدة ، غير ان بيبقي عنده شك في العبادات الي بيقوم بيها زي مثلا انه ماتوضاش كويس ، ان صلى صلاة الصهر مثلا ٣ ركعات بدلا من ٤
وساوس جنسية?️/ و هنا الشخص بيكون جاله افكار ملحة انه اتحرش ببنت عدت من جنبة مثلا ويفضل شاكك وحاسس بالذنب علي الغم انه مالمسهاش ، كمان بيجي علي شكل ان دايما الشخص بيتخيل صور جنسية قدام عينه ومابيقدرش يتخلص منها ، او يتخيل ناس معينين في اوضاع جنسية
وساوس التكرار و الفحص?/ وهنا هنلاقي الشخص طول الوقت بيفحص الاشياء زي مثلا انه يتأكد كتيير جدا ان الحاجات مقفولة كويس ولا لا ، زي الباب و الشباك و البوتجاز ، دة كمان ممكن يوصل انه يخرب اشياء بسبب الشك الي جواة انها مش مقفولة كويس
وساوس خرافية ?/ و دي بيكون الشخص فيها بيؤمن بحاجات معينه زي مثلا ان الارقام الفردية بتجلب الحظ انما الارقام الزوجية لا ، انه لو شاف شخص معين بيجي في دماغو انه يومه كله هيكون وحش او حلو علي حسب تفكيره ، لدرجة ان الافكار دي بتسيطر عليه بشكل كبير جدا وبتأثر علي حياته
وساوس عدوانية ?/ و دي هنلاقي ان الشخص بيجيله افكار انه قتل حد او انه أذي حد بشيء او ام يجيلها افكار انها هتقتل اولادها او هتأذيهم
وساوس التخزين? / وهنا الشخص بيبقي عنده سلوك قهري انه طول الوقت بيحب يتتحفظ بالاشياء الي مالهاش لازمة ، وعلي الغم انه بيبقي مقتنع انه مالهاش لازمة برظو بردو مش قادر يتخلص منها
وساوس الترتيب و التنظيم?/ و دة بردو من الوساس الشهيرة وهنلاقي سلوك الشخص انه دايما بيحاول يرتب وينظم الاشياء بشكل معين ويضايق جدا لو الترتيب دة أتغير
طب بعد ماعرفنا اكتر اية هو الوسواس القهري هل في علاج له !!?
اه طبعاً في علاج و دي كانت رسالة عيادات كير لفرح الزاهد او لأي حد بيعاني من الوسواس القهري ، انه اضطراب زي اي اضطراي آخر وله علاج ?❤️
المهم نتوجه لاقرب طبيب نفسي لينا عشان نقدر نعيش حياتنا بشكل طبيعي ❤️