انا حاسس طول الوقت بقبضة في قلبي أكن في جبل علي قلبي? وعندي احساس طول الوقت إني هموت ، التفكير في الموت مش بيفارقني وخايف جدا منه? ، غير الكوابيس الي مش بتفارقني طول الليل، كمان عندي خوف طول الوقت علي الناس الي حوليا ، عندي خوف من المستقبل بشكل كبير جدا و كل الافكار الي بتجيلي دي بتسببلي ضربات قلب سريعة وضيق ?في التنفس وفعلا بحس اني هموت
انا مش عارف انا لية خايف كدة و مش عارف في اية و دة معناه أية؟؟؟ ?
خليني اقولك دة معناه اية?
دة معناه انك بتعاني من اضطراب اسمه اضطراب القلق العام .. Generalized anxiety disorder
? طب دة عبارة عن ايه
هو خوف غير مبرر بمعني اني طول الوقت حاسس بمشاعر خوف ومعنديش دليل قوي لخوفي ده
?
طب اية اعراض اضطراب القلق العام ?
الأعراض بتختلف من شخص للتاني علي حسب شدة الأعراض ومدى استعداه للاضطراب
و بتكون عبارة عن/
بيحس انه طول الوقت خايف وفي قبضة علي قلبه ?
بيكون عنده مشاكل في النوم و حتي لو نام بيحلم بكوابيس ?
بيجيلو نوبات هلع ووقتها بيحس انه هيموت خلاص ?
بيكون عصبي وبينفعل علي أسباب بسيطة ?
عدم التركيز ?
بيحس بسخونه في جسمه او تنميل في أجزاء جسمه ?
الإحساس بالصداع?
كمان في ناس بيجلهم إحساس انهم طول الوقت عايشين في حلم وان كل الي بيحصل حوليه دة مش حقيقي و الإحساس
بيبقي مؤلم جدا بالنسبة للناس الي بتعاني من اضطراب القلق ?
طب ايه أسباب اضطراب القلق العام؟??
١-الاسباب البيئية/ خلينا متفقين اننا طول مااحنا عايشين بنتعرض لضغوط ، سواء كان ضغوط من الشغل او الدراسة او من الاهل أو الأصدقاء غير الحوادث الي كول الوقت بنسمع عنها ولما بنتعرض للضغوط دي بنكتم مشاعرنا جوانا وللاسف لما بنكتم الأعراض الي قولنا عليها بتظهر علينا و دة بيكون بسبب اننا مابنعرفش نتعامل مع الضغوط النفسية الي بنتعرضلها?
٢-الاسباب البيولوجية/كتير من المرضى الي بتعاني من الاضطراب دة اقاربهم من الدرجة الأولي كمان كانوا بيعانوا منه ودة يوضح دور الجينات الوراثية الي بتسبب اضطراب القلق العام?
جيبنا بقي لأهم نقطة وهي العلاج ?
-والأساس فيها هو التعامل مع أفكار المريض الي بتسببله المشاعر الي بيحس بها وعلي أساسها بيكون سلوكه مضطرب زي النوم و العصبية و عدم التركيز ?
و دة بيتم عن طريق برنامج لعلاج اضطراب القلق من خلال العلاج المعرفي السلوكي ، كمان بنعلمه مهارات ازاي يتعامل مع الظروف الي حوليه ومواقف الضغط الي بيتعرضلها عشان يقلل من حدوث الأعراض الي بيعاني منها?
-وأهم نقطة في العلاج هو استيعاب المريض وتفهمه ، كمان اننا نوضح له أن الأعراض الي بيعاني منها دة عبارة عن اضطراب نفسي و له علاج?
وفي حالات بتحتاج لعلاج دوائي دة بيكون بعد الحوار مع الطبيب و العلاج بيكون لفترة مؤقته
✋
وأعراض التحسن من العلاج بتظهر في خلال أسبوعين ، و بيتم الشفاء في فترة قصيرة علي حسب شدة المرض بجانب مدى انتظامه في الجلسات النفسية ?❤️