أوقات بنلاقي ناس كتير بتمر بحالات مزاجية شديدة التقلب زي من حالة الاكتئاب الشديدة جدا الي بيحس بها المريض بحالة من الحزن? لحالة الهوس الشديدة جدا الي بيحس بها المريض بحالة من السعادة المفرطة ?
علي الرغم من عدم وجود أسباب واقعية للمشاعر دي ?
و دة بيكون ناتج عن ان المريض بيعاني من مرض نفسي واسمه الإضطراب الوجداني ثنائي القطب او الاكتئاب الهوسي ?
طب دة عبارة عن أية؟ ?
زي ماقولنا انه عبارة عن تقلبات مزاجية حادة يأما بيكون مزاج الشخص عالي جدا وإحساسه بسعادة شديد وهنا بنسمي الحالة دي بنوبة الهوس?
أو بيكون في حالة من الاكتئاب و الحزن الشديد جدا وهنا بنسمي الحالة دي بنوبة الاكتئاب?
طب اية أسباب الإضطراب دة؟ ?
بيحصل بسبب تغيرات في كيمياء المخ زي تغيير هرمون الدبامين و السيرتونين و النورادرانالين?
أسباب وراثية و دي من أهم الاسباب لحدوث المرض زي ان احد أقارب المريض حدث له الإضطراب دة ?
العوامل البيئية و الاجتماعية في حالة تعرض المريض لضغط نفسي شديد جدا خاصة لو عنده استعداد وراثي لهذا المرض?
كمان في سبب مهم جدا وهو تناول المريض للمخدرات بأنواعها و الكحوليات بيؤدي بصورة كبيرة جدا للإصابة بالمرض?
نيجي بقي لأعراض الإضطراب الوجداني ثنائي القطب؟؟ ?
هنلاقي ان أعراض الاضطراب بتختلف علي حسب النوبة اذا كانت هوس أم اكتئاب?
تعالو نبدأ بأعراض نوبة الهوس
الشعور بالسعادة المفرطة
عدم النوم وقلة احتياجه له
الشعور بالعظمة و الثقة بالنفس
كثرة الكلام الغير منتظم و بيكلم بسرعة وكتير جدا
عدم القدرة علي التركيز وسرعة التشتت
تضارب الأفكار وعدم انتظامها
اندفاعية عالية في السلوك ، زي السواقة بطريقة متهورة ، شرب المخدرات بكثرة ، إقامة علاقات جنسية عديدة ، نفق الأموال بشكل متهور?
كمان هنلاقي انه معندوش اي التزام بالقواعد الاخلاقية او الإجتماعية?
ممكن كمان نلاقيه طول الوقت بيزعق ويشتم بألفاظ مش كويسة وبيتخانق مع كل الي حوليه من غير سبب ?
أما بالنسبة لنوبة الاكتئاب؟
مزاج حزين طول الوقت
قلة الثقة بالنفس
٣-قلة التركيز
أفكار انتحارية
اضطراب في النوم ياما نلاقيه بينام كتير او مش بينام خالص?
مش قادر يستمتع بأي شيء في حياته
العصبية
طول الوقت حاسس بالتعب وعدم القدرة علي القيام بالأنشطة
جينا بقي لأهم نقطة وهي علاج الاضطراب الوجداني ثنائي القطب ?
العلاج بيكون عن طريق
العلاج الدوائي? / و دة بيكون عبارة عن أدوية بتوازن مزاج المريض و بتختلف علي حسب شدة الأعراض لديه .
بعض الحالات بتحتاج دخول المستشفى لفترة مؤقته من 4 إلى 6 أسابيع حماية له من خطر يقع على نفسه انه يموت نفسه او يدخل في مشكلة قانونية بسبب اندفاعيته او خطر على اللي حواليه أنه يأذيهم لفظيا أوجسديا.
العلاج النفسي?/ بيكون عن طريق العلاج المعرفي السلوكي الي من
-خلاله بنغير معتقدات الشخص ?
-بنكسبه مهارات للتعامل مع حياته بشكل أفضل ?
بنقلل من تأثير النوبات علي حياته الشخصية بالإضافة الي تعلمه التعامل السليم مع جوانب حياته المختلفة
استبصار الشخص بمرضه عن طريق معرفته بالاضطراب الي بيعاني منه والمراقبة الذاتية لحالته
التثقيف الأسري وبنعلم الاسرة ازاي تقدر تدعم المريض لأن بيكون شيء أساسي في علاجه?
بيظهر التحسن علي المريض بعد أسبوع من الالتزام بالعلاج بالإضافة الي احتفاء النوبة في مدة بتتراوح بين ٣ لـ ٦ أسابيع