(عارفين الناس إللي بتهرُب مِن الأفراح ، أو أعياد الميلاد ، أو التجمُعات ، أو الحفلات ، و بنلاقيهم دايما قافلين علي نفسهم ومش عايزين يتعاملوا مع حد خالص ، وتيجي تتكلم معه تحسه أنه عمال يتلجلج في الكلام ?ومش قادر يبص في عينيك وجسمه بينزل عرق وممكن كمان يترعش من التوتر ، حتي بيتهرب انه يرد علي موبيله? )
كتير من الناس ممكن تفسر دة أنه أدب وأحترام زيادة ، بس للأسف الشخص الي بيحصله كدة بيعاني بشكل كبير جدا ?
لأنه عنده اضطراب نفسي وهو الرهاب الإجتماعي ( social anxiety , social phobia)
طب الإضطراب دة عبارة عن أية؟ ?
هو عبارة عن خوف وتوتر من مواقف الإجتماعية معينه او من المواقف الإجتماعية بشكل عام ?
و دة هينقلنا لنقطة تانية وهي أنواع الرهاب الإجتماعي ?
الرهاب الإجتماعي المحدد/ و دة بيكون الشخص عنده خوف شديد جداً من موقف إجتماعي معين زي مثلا الأفراح والحفلات ، التحدث أمام الجمهور ، الخوف المرضي من المقابلات الشخصية لوظيفة مثلاً?
الرهاب الإجتماعي من المواقف الإجتماعية ككل/ و دة بيكون الشخص عنده خوف من التعامل مع الناس بشكل عام ومن كل المواقف الإجتماعية?
طب تعالوا نعرف اكتر أية أعراض الإضطراب دة ?
زي ماقولنا قبل كدة أن الشخص عنده خوف شديد جدا التعامل مع موقف معين أو مع كل المواقف الإجتماعية?
وبيكون نتيجة خوفه انه بيتجنب أي موقف إجتماعي ممكن يعرضه للقلق الشديد 
بتكون لغة الجسد عنده لما بيكلم مع أي حد في حالة من التوتر زي مايقدرش يبص في عينيك ، يفضل يهز دايما في رجله ، كمان بيحصله اعراض فسيولوجية زي بيعرق كتير ، و بتكون ضرابات قلبه سريعة جداً و رعشة في الأطراف?
٤-هنلاقيه عنده مشكلة في تكوين صدقات ، معندوش أصحاب ?
بيكون عنده مشكلة كبيرة في التعامل مع الجنس الآخر
نقص الثقة بالنفس طول الوقت بيهتم بنظرات الناس له ، ودايما بيسأل نفسه هي الناس بتبصلي إزاي?
٧-كمان ممكن نلاقيه بيتهرب من المسئوليات سواء كانت الترقيه في وظيفه أو من الزواج
طب اية سبب حدوث الإضطراب دة؟!
الأسرة/
و دة لما بنكلم مع المريض في الجلسة في الجانب الأسري بنلاقي يأما الأسرة كانت بتشكل حماية زيادة علي الطفل في جميع مراحل نموه و دة أدى أن الطفل عنده خوف من التعامل مع أي شئ ، او يأما الأسرة كانت متسلطة وعنيفة وبتتعامل بالإهانة مع الطفل?
أن أسلوب تعامل الأسرة مع الآخرين يكون في مظاهر الرهاب الإجتماعي ف بتالي الطفل اكتسب السلوك دة من الأسرة ?
تعرض الطفل للتنمر طول الوقت بينقص من ثقة الطفل بنفسه?
حدوث صدمة أو موقف مؤلم أدى الي خوفه من التعامل مع الناس ?
ان يكون من سمات الشخص الحساسية المفرطة فبتالي بيتجنب أي موقف إجتماعي ممكن يتحط فيه ?
طب أية علاج اضطراب الرهاب الإجتماعي؟! ?
العلاج الدوائي/ و دة بيكون من خلال الإتفاق مع الطبيب و الحالة بعد الحديث عن المرض وأعراضه ?
العلاج النفسي/ وبيكون عن طريق العلاج المعرفي السلوكي الي من خلاله بنغير معتقدات الشخص وأفكاره حول نفسه وحول المجتمع و حول الناس ،بنزود ثقة الشخص بنفسه ومعرفة نقاط القوة ونقاط الضعف، بنكسبه مهارات إجتماعية يقدر يتعامل بيها مع الناس ، بنعلمه ازاي يقدر يفتح حوار من الآخرين بشكل محترف ?
.